يا اسورة مفضضة
ومدهبة بخطين
يا جوهرة مرصعة
علي تاج يضوي العين
يا كلمة في التاريخ
مكتوبة بين سطرين
يا حلم كله امل
فرح فؤادي الحزين
يا عيون ملاها السهر
والولاد غايبين
يا مصر يا امنا
كل الولاد صابرين
صابرين ومهما جري
ودارت بنا الايام
أو غربتنا السنين
نرجع نلقاك دايما
فاتحه لنا احضانك
والعيون مشتاقين
يا مصر يا امنا
يا بهية وابنك ياسين
يا مصر يا امنا
طفي نار الحنين .
ليست هناك تعليقات:
إرسال تعليق